baiona.org



  Romería de San Cosme y San Damián 2017

   Bases Reguladoras - Plano

   Solicitud Puesto de Venta (anexo I)

   Declaración Responsable (anexo II)

 

NOTICIAS

« Atrás

BAIONA CONTARÁ EN PRIMAVERA CUN NOVO PARQUE INFANTIL NA PALMA

 O Concello ultima o documento de licitación para sacar a obra a concurso público 

Baiona contará a vindeira primavera cun novo parque infantil na Palma que incluirá un gran castelo medieval temático acorde coa Fortaleza de Monte Real que ten ao seu carón.

O goberno local de Baiona ultima o documento de licitación para que a obra saia de inmediato a concurso e así destinar parte dos fondos do Plan Concellos da Deputación de Pontevedra a unha reforma integral do parque infantil da Palma.

“Trátase do principal lugar de ocio para os máis pequenos da Vila e temos previsto aproveitar toda a zona coa instalación dun parque totalmente novo”, apunta a concelleira de Parques e Xardíns, María Iglesias.

O proxecto vai destinado a reformar o parque de referencia de Baiona e o Val Miñor e modernizar todas as instalacións. O obxectivo é renovar unha zona de xogos que xa foi construída hai 25 anos e que vai quedando obsoleta en relación aos outros 15 parques dos que dispón o municipio.

O Concello xa definiu as características que terán as novas instalacións e contempla unha ampliación de case 100 metros cadrados para alcanzar un máximo de superficie de 560 metros cadrados de chan continuo. Ademais, estará preparado con elementos para todas as idades e disporá de xogos para persoas con mobilidade reducida ou algunha discapacidade.

Ao longo das dúas últimas décadas o parque da Palma xa foi mellorado con constantes remodelacións, pero neste caso o equipo de goberno local pretende un cambio integral nunha zona máis céntrica e emblemática da Vila por tratarse das instalacións máis utilizadas.

“É o noso parque por excelencia, o máis grande, é contará cun orixinal castelo temático en clara alusión á Fortaleza que o protexe”, engade María Iglesias.

O proxecto conta cun orzamento de licitación de 211.000 euros destinados polo Concello de Baiona a través do Plan Concellos da Deputación de Pontevedra.

 

Portal de transparencia


Cidadania



Igualdade de xénero

Si eres empresa

Perfil do contratante

Te puede interesar